Во вторникот, на 15.06.2010 година, во Центарот за локални младински иницијативи (ЦЛМИ) во Делчево, како дел од проектот Акција за Европа, средношколците-активисти во младинскиот клуб, заедно со предавачи од Учиме право, одржаа симулација на Совет на министри на Европска Унија насловена како “Чоколадна битка“.

Средношколците  кои ги слушаат предавањата по Учиме Право во Гимназијата “Методи Митевски Брицо“ во Делчево, на 17 јуни во просториите на Центарот за застапување и лобирање во Делчево симулираа судење на случај од областа на трговија со луѓе, по теркот на досегашните симулации за средношколци што ги организира МОФ.

Во петок на 28.05.2010 година со почеток во 16 часот МОФ го организира првиот средношколски квиз за Европска Унија во просториите на ЕУ Инфо Центарот во Скопје. Во квизот учество ќе земат вкупно 6 тимови од средни училишта каде се оддржувааат редовни Учиме право предавања. 

Од 16 до 18 април 2010 година, во Охрид, се оддржа Напредна обука за Европската Унија на која учествува околу триесетина студенти, дел од телото на предавачи по Учиме право. Со тоа се постави добра основа за развој на програмата во насока на вметнување на содржини од оваа област, како одговор на потребата од европеизација на македонското општество на патот на Република Македонија кон Европската Унија. 

Во текот на 2009, во два циклуси, Младински Образовен Форум организираше повеќе од 30 работилници во средните училишта во Скопје и 25 други градови низ Македонија на тема “Запознавање со ЕУ“.